فيمنيزم

عارف ان احنا مجتمع ذكوري مريض والست مظلومة فيه بطرق كتير

وعارف ان هي الكائن الأضعف ومحتاج معاملة خاصة زي ما الرسول قال

انما في مجموعة من الناس بيصعبوا ع المجتمع العملية دي

مجموعة نصبت نفسها مدافعة عن الحقوق النسوية ضد طبعا الكائن التاني الوحش اللي شافط كل الحقوق

خلينا بس نتفق على شوية حاجات قبل ما تقول/تقولي رأيك فيهم

1. الخساير في الأرواح نتيجة الحروب في بلد زي أمريكا الجيش فيها مختلط 99.999% رجالة

هتقولي ما أكيد نسبة الرجالة أعلى لأنهم أكتر !! هقولك ان دة سببه ان نسبة التشوه النفسي عند الستات نتيجة الحروب, وبرغم كل عمليات التأهيل قبل وبعد الحرب 23% وفي الرجالة 18% بس عشان كدة بيجندوا رجالة أكتر

2. الخساير في الأرواح في أمريكا نتيجة مخاطر العمل في الصناعة 96% رجالة

دي بقى مافيهاش تجنيد وكوسة.. المجتمع هناك بيسمح للست تشتغل أي حاجة حتى الميكانيكي والسباك

3. نسبة القتلى بغير أسباب طبيعية في أمريكا 76% رجالة

4. نسبة المنتحرين في أمريكا 80% رجالة

5. دي بقى حلوة أوي ركز فيها

أغلب ضحايا الاغتصاب في العالم رجالة !!! في سنة من السنين سجلت 250000 حالة اغتصاب لامرأة في 65 دولة.. يقابلها 300000 حالة اغتصاب لرجال في أمريكا لوحدها

هتقولي دي برضه غلطة الرجالة مش هم اللي بيغتصبوا بعض !! ماشي بس العبرة هنا ان الاتنين مجني عليهم, يعني المجتمع بيهدر حقوق ضحية الاغتصاب بغض النظر عن النوع„ في الوقت اللي تم فيه الترويج للموضوع على انه عنصرية جنسية بحتة ضد المرأة مش مشكلة بتطال الجنسين ودي قمة الظلم للرجل

دة بدون الكلام على حالات اغتصاب ستات لرجالة أو ستات لستات رغم انها موجودة وبتحصل, على سبيل المثال 94% من حالات الاغتصاب داخل الاصلاحيات والمؤسسات التعليمية المذنبين فيها ستات, و65% من حالات الاغتصاب داخل سجون الستات مرتكبيها ستات برضه مع ان السجون كلها شغال فيها رجالة عادي جدا, و50% من ضحايا الاغتصاب من المشردين من الشباب اغتصبوا على ايد ستات

يعني الموضوع موضوع خلل أمني وافترا من أفراد الشرطة واللي بيقدر على التاني بيغتصبه سواء كان طفل مشرد/مسجون/مسجونة/تلميذ .. الخ

6. فيما يخص الأحوال الاجتماعية

الستات بيحصلوا على حضانة الطفل في 84% من حالات الطلاق من سنة 1994„ دة غير ان معظم حالات الطلاق لا يتم فيها اعلام أو التنسيق مع الأب وبالتالي الضرر النفسي بيكون أكبر

هتقولي ماهو لازم حد فيهم ياخد الأولاد وأكيد لازم تبقى الأم عشان هي بتعتني بالأولاد أحسن„ طب تعالا نشوف صحة التأكيد دة

نسبة 63% من الشباب المنتحرين سببها غياب الأب

نسبة 90% من الأطفال المشردين من بيوت مافيهاش أب

نسبة 85% من الأطفال المرضى نفسيا معدومي الأب

نسبة 80% من المغتصبين (جناة) مع وجود مشاكل في تنظيم الغضب فاقدين أبوهم

نسبة 71% من الشباب اللي مابيكملش تعليمه فاقدين الأب

نسبة 75% من الأطفال ضحايا المخدرات فاقدين الأب

ونسبة 85% من أطفال الأحداث فاقدين لأبوهم برضه

7. الرجالة أكثر تعرضا للظلم في المحاكم العامة

 فيه مشروع اتعمل في أمريكا على موضوع تحليل الدي إن أيه.. لقوا ان من بين 205 حكم خاطئ للمحكمة فيه 204 رجالة وست واحدة بس.. وكان سبب تعسف المحكمة ضد الرجالة ان الجرايم كانت اغتصاب.. 

وفيه بحث تاني اتعمل في أمريكا برضه أثبت ان 41% من الأحكام اللي صدرت ضد متهمين بالإغتصاب طلعت غلط .. يعني من الآخر القاضي عدالته بتتأثر لما تكون الضحية أنثى وخصوصا لما تبقى مغتصبة فبيحكم على طول من غير أدلة كافية

8. أمريكا لوحدها فيها أكتر من 700 جامعة وكلية بيدرسوا الفيمنيزم.. وولا مؤسسة توعية لحقوق الرجال

9. المجتمع سواء هنا أو في أمريكا لا يعترف بالعنف الأسري ضد الرجال مع انه موجود, مع سيطرة الستات على 71% من نسبة الإعتدائات من جانب واحد„ هتقولي الكلام دة مش صح هو فيه ست بتضرب راجل ؟؟ أيوة بتحصل بس صعب أوي على أي راجل انه يحكي حاجة زي دي , انما الست من مصلحتها تحكي علشان تقدر تاخد حقها

10. الرجل مظلومين في أنظمة الرعاية الصحية

متوسط عمر الرجل أقل من المرأة بست سنين من غير سبب طبي معروف

الوفيات بسبب سرطان الثدي وسرطان البروستاتا متساوية

معظم مراكز الرعاية الصحية النوعية (الخاصة بجنس لوحده) معمولة لصحة الستات

11. مستوى استفادة الذكور من التعليم الأساسي أقل من مستوى الإناث ومع ذلك فيه مشاريع مخصصة لتعليم البنات ومفيش زيها للبنين

12. أكذوبة فرق الرواتب والمصروف

على الرغم من أن رواتب الرجال أعلى نسبيا.. إلا ان الستات هم أكتر ناس بتصرف الفلوس ! ودة بسبب ان الفلوس بتؤول في الآخر للست سواء ابنة أو زوجة

الستات في أمريكا مثلا بيصرفوا 88% من فلوس البلد وبيتحكموا في مصروف البيت في أكتر من 75% من الحالات .. الى جانب ان الستات عندهم قابلية أكتر لإنشاء المشاريع الصغيرة

دة غير ان الستات ليهم شغلانات فيها استثمار للمظهر لا يقبل منافسة الرجال زي الرقاصة والموديل وخبيرة الميك أب والريسيبشانيست وأحيانا خدمة العملاء وغيرها

13. دي هينة شوية بس مؤثرة

التمثيل الاعلامي للستات أعلى بكتير أوي من الرجالة, سواء في الحملات الاعلانية أو غيره

14. دة من غير ذكر ان مجتمعنا بيحمل الراجل مصاريف الجواز ومصاريف المعيشة ومسؤولية تأمين بيت مناسب ولو حتى بشكل أدبي

15. تأخر سن الجواز مشكلة ضررها أكبر على الراجل مش الست, لأن الضرر في حالة الراجل نفسي وفسيولوجي نتيجة ان الرغبة الجنسية عند الراجل 10 أضعاف الست ومع ذلك المجتمع مش بيلتفت غير للعنوسة

16. دي بعض المقولات اللي أصحابها منتمين للتيار النسوي

https://justpaste.it/femisismquotes

كلها تحريض ظاهر ع القتل واحتقار للجنس الآخر ودعوات للكراهية

_______________________________________________________

مش إنصافا للرجال, ولكن إنصافا للإنسان اللي المجتمع بيظلمه بغض النظر عن نوعه

واذا كنتي بتطالبي بالمساواة, فالمساواة بالرجل ظلم للمرأة لأن ماعندهمش نفس المقومات„ مع إبقاء باب التجربة مفتوح للجميع وعدم إنكار إنجاز لحد

وعشان ماتطلعش دعوات مشوهة زي الفيمنيزم تشيطن الجنس الآخر وتزيف الواقع وتظلم المرأة قبل الرجل